පාර්ලිමේන්තුවේදී හෙලි වෙයි..
යනුවෙන් පාර්ලිමේන්තුවේ අයවැය පිළිබඳ කාරක සභා අවස්ථාවේ විවාදයේදී මන්ත්‍රීවරයා පැවසීය.
"පොලිස්පතිවරයා අත්අඩංගුවට ගැනීමට උත්සාහ කරන ආකාරයටම ශ්‍රී ලංකා ක්‍රිකට් ආයතනයට එරෙහිවද රජය ක්‍රියා කළ යුතුයි"
ඔහු තවදුරටත් පැවසීය.
පසුගිය රනිල් වික්‍රමසිංහ පාලන යුගයේ එවකට හිටපු ක්‍රීඩා ඇමති රොෂාන් රණසිංහ ක්‍රිකට් ආයතයට එරෙහිව චෝදනා ගණනාවක් ඉදිරිපත් කළ අතර ඒවා හරහා ඇතිවූ සංවාදයේ ප්‍රතිඵලය වූයේ අන්තර් ජාතික ක්‍රිකට් කවුන්සිලය විසින් ලංකාවට ක්‍රිකට් තහනමක් පැනවීමය. ඇමති රොෂාන්ට තම අමාත්‍ය ධූරයෙන් ඉවත්වීමට තරම්ම එය සිදුවීමක් බවට පත් විය.
ඒ වනවිට ලංකාව සහභාගී වීමට සිටි ක්‍රිකට් තරඟාවලි කිහිපයක් ලංකාවට අහිමි වූ අතර හිටපු ජනාධිපතිවරයා වත්මන් ක්‍රිකට් සභාපතිවරයාගේ ඉල්ලීම මත එවක ආසියානු ක්‍රිකට් සභාපති (ACC) ජේ ෂා සමග සාකච්ඡාවක් ද පවත්වන ලදී.
මේ වනවිට ජේ ෂා අන්තර්ජාතික ක්‍රිකට් කවුන්සිලයේ (ICC) සභාපතිවරයා වන අතර ලංකාවේ ක්‍රිකට් ආයතනයේ සභාපති ශම්මි සිල්වා ආසියානු ක්‍රිකට් කවුන්සිලයේ (ACC) වත්මන් සභාපතිවරයාය.
කෙසේ වුවද හේෂා මන්ත්‍රීවරයාද පසුගිය චෝදනා නැවත වරක් ගෙන එමින් පවසන්නේ වත්මන් රජයේ සිටින අය ශ්‍රී ලංකා ක්‍රිකට් ආයතනය විසින් මිලදී ගෙන ඇති බවක් පෙනෙන්නට ඇති බවය.
"පසුගිය පාලන සමයේ සිටි අයට වඩා වේගයෙන් වත්මන් රජයේ සිටින අය ශ්‍රී ලංකා ක්‍රිකට් ආයතනය විසින් මිලදී ගෙන ඇති බව පෙනේ," ඔහු පැවසීය.
ශ්‍රී ලංකා ක්‍රිකට් ආයතනය පාලනය කිරීමට සහ ශ්‍රී ලංකා ක්‍රිකට් ආයතනය පිරිසිදු කිරීමට නව නීති අවශ්‍ය බව ද ඔහු අවධාරණය කළේය.
ඊට ප්‍රතිචාර දැක්වූ අමාත්‍ය සුනිල් හඳුන්නෙත්ති පැවසුවේ, පසුගිය රජයේ අය මෙන් වත්මන් රජයේ අයව ශ්‍රී ලංකා ක්‍රිකට් ආයතනයට කිසි විටෙකත් මිලදී ගත නොහැකි බවයි.
"ශ්‍රී ලංකා ක්‍රිකට් ආයතනය අපව මිලදී ගෙන නැහැ, අනාගතයේදී කිසිදා අපව මිලදී ගන්නේ නැහැ," ඔහු පැවසීය.
"මම අතීතයේ පොදු ව්‍යාපාර පිළිබඳ කාරක සභාවේ (COPE) ප්‍රධානියා ලෙස කටයුතු කළා. ඒ කාලය තුළ නියෝජ්‍ය කථානායකවරයා ලෙස කටයුතු කරමින් සිටියදී හිටපු පාර්ලිමේන්තු මන්ත්‍රී තිලංග සුමතිපාල ශ්‍රී ලංකා ක්‍රිකට් සභාපති ධුරය දැරුවා. ඔහු COPE හමුවට කැඳවනු ඇතැයි කිසිවෙකු අපේක්ෂා කළේ නැහැ. කෙසේ වෙතත්, අපි ඔහුව කැඳවා එම කාලය තුළ ශ්‍රී ලංකා ක්‍රිකට් ආයතනයේ අක්‍රමිකතා හෙළිදරව් කිරීමට සමත් වුණා,"ඔහු පැවසීය.
ක්‍රීඩා අමාත්‍ය සුනිල් ගමගේ පැවසුවේ ක්‍රීඩා 73 ක් ආවරණය වන පරිදි නව ක්‍රීඩා පනත් කෙටුම්පතක් රජය විසින් ඉදිරිපත් කරන බවයි.
"මෙම තනි පනත් කෙටුම්පත හරහා අපි ක්‍රීඩා 73 කට අදාළ ක්‍රියා පටිපාටි වෙනස් කරන්නෙමු," ඔහු පැවසීය.
කෙසේ වුවද පසුගිය රජය පනවන ලද කමිටු නිර්දේශයක් මත නව ක්‍රීඩා පනතක් සම්මත කරගෙන ඇති අතර එකී පනත බලාත්මක කිරීමක් සිදුවනු ඇද්ද නොඑසේනම් මාලිමා රජය විසින් අලුතින්ම පනතක් ගෙන එනවාද යන්න පිළිබඳව තවම නිශ්චිත අදහසක් නොමැත.
අන්තර් ජාතික ක්‍රිකට් කවුන්සිලය තම සාමාජිකත්වය දරන කිසිදු රටක දේශපාලන අධිකාරිය ක්‍රීඩා කටයුතු සම්බන්ධයෙන් ඇඟිලි ගැසීම් සිදුකිරීමට තරයේ විරුද්ධ වන අතර එවැනි දේශපාලන ඇඟිලි ගැසීම් පවතින රටවල් තම සාමාජිකත්වයෙන් ඉවත් කිරීමට කටයුතු යොදනු ඇත.
ඒ අනුව වත්මන් රජය හමුවේ ඇති අභියෝගය වන්නේ දේශපාලන ඇඟිලි ගැසීම් වලින් තොරව ලංකාවේ ක්‍රිකට් ආයතනයේ පරිපාලනයට මැදිහත් වන්නේ කෙසේද යන්න ය.