මගේ නිල සේවා ආයතනයේ රැකියාව ලැබුනේ, මගේ උපන්දිනය දා ය.මා හට පත්වීම් ලබාදුන් ආයතන ප්‍රධානියා, මගේ මරණය හා අකර්මණ්‍යතාවය තීරණය කළ පුද්ගලයා බව, ඒ වන විට නොදැන සිටියෙමි.
ආයතනය තුළ විධිමත් ප්‍රවර්ධන මඟක් වෙනුවට තිබුණේ විවාහය, දරුවන් සෑදීම වැනි කරුණුය.අධ්‍යාපන හෝ වෘත්තීය සුදුසුකම් අදාල නැත.

වඩාත්ම සුදුසුකම් ලැබුවේ, සිය කලත්‍රයා සමඟ අමනාපව පසුවන්නන් ය. නිලධාරීන් අතර අහිතකර තරගයක් ද ඇති කර තිබුනේ, පීඩනයට පත්වන නිලධාරීන් නිසගයෙන්ම ඉවත්වන ලෙසට ය.
ආචාර්ය උපාධිය මග නවතා,මෙම ආයතනයේ රැකියාවට පැමිණි මා විවිධ අධ්‍යාපන හා වෘත්තිය අත්දැකීම් ලබා ගැනීමට උනන්දු වෙමින් සිටි අයෙකු විනා, දරුවන් සෑදීම සඳහා අවධානය යොමු නොකළ අයෙකි.මට එහි අවශ්‍යතාවයක් ද නොවීය.

නමුත් ආයතනික සංස්කෘතිය මත විවාහ වී, දරුවන් සෑදීමට උත්සුක වුණෙමි.එය අපට ස්වභාවිකව කළ නොහැකි විය.ඒ අනුව කෘත්‍රිමව සත් වරක් උත්සාහ කළෙමි.නමුත් සාර්ථක නොවීය.
එහි අතුරු ඵලයක් ලෙස, මගේ ශරීරයේ අභ්‍යන්තර අවයව විනාශ වීම ඇරඹුණි.

 
මම ආයතනයට මහත් සේ ආදරය කරමි.ආයතනයක ප්‍රධානියෙකු ලෙස පත් විය යුත්තේ, නිලධාරියකු මිස වසර 10 කට වඩා රැදී සිටින පුද්ගලයකු නොවේ.

ඔබගේ ආයතනය තුළ අනියම් ප්‍රවර්ධන මාර්ග වළකා, විධිමත් ප්‍රවර්ධන මගක් සකසා ගන්න.මෙය සටහන් කරන්නේ, මෙවැනි අකර්මණ්‍යතා වළකා ගත හැකි බව මා හොඳින්ම දැන සිටියද, ආයතනික අනවශ්‍ය පීඩනය මත මා මුලා වූ නිසාය. උපුටා ගැනීම අවසන්

පැත්ත ගියත් ඇත්ත කියන ගොසිප්99  අප මෙම ප්‍රවෘත්තිය පලකිරීමට ප්‍රථම මේ පිළිබද සනාථකර ගැනීමට කුඩා ව්‍යාපාර සංවර්ධන අංශයේ ප්‍රධාන කාර්‍යාලයේ සහ ප්‍රාදේශීය ලේකම් කාර්‍යාලවල සිටින නිළධාරීන්ගෙන් විමසීම් කල අතර ඔවුන් මේ බව සනාථකල අතර මෙම ප්‍රධානියා  අධික ස්තීලෝලියකු බව ප්‍රචලිත කරුණකි. මොහු යටත් නිළධාරීන් අධික ලෙස මානසික පිඩාවට ලක් කරන අතර ඒ තුලින් ඔහුගේ පහත් ආශාවන් ඉටුකරගන්න බවත් බොහෝ නිළධාරීන් පැවසුවා.

අන් මතයකට කිසිදු ලෙසකට සවන් නොදෙන අතර අශීලාචාර ආකාරයෙන බැන වදීන අතර පුදුම කාරණයනම් වසර 11 ක් මෙම තනතුරේ රැදී සිටීමයි. මේ පිලිබදව ගරු ජනාධිපතිරයාගේ හා ක්‍රීඩා ආමාත්‍ය රොෂාන් රණසිංහ මහතාගේ අවධානය යොමු වෙතයි අප බලාපොරොත්තු වෙනවා. මෑත කාලීන කළමනාකරණය සංකල්ප යටපත් කරමින් අපව නැවත ගල්‍ යුගයට ගෙනයන මෙවන් පහත් නිළධාරීන් රාජ්‍ය සේවයට හා රටට පිළිලයකි.