ජනාධිපති අපේක්ෂක ගෝඨාභය රාජපක්‍ෂ මහතාට ඡන්දය ලබා නොදෙන ලෙසට බලකරමින් ශ‍්‍රී ලංකා නිදහස් පක්‍ෂය සුරැකීමේ සංවිධානය විසින් මත්කුඩු ලෝලීන් 100 ක පිරිසක් යොදවා උපවාසයක් ආරම්භ කිරීමේ සැළසුමක් පිළිබඳව පාර්ලිමේන්තු මන්ත‍්‍රී සිසිර ජයකොඩි පුවත්පතකට ප්‍රකාශ කර තිබෙනවා.
ඒ අනුව ගෝල්ෆේස්හි පිහිටි එස්. ඩබ්ලිව්. ආර්. ඞී. බණ්ඩාරනායක පිළිරුව අසල හෙට (13) සිට මැතිවරණය පැවැත්වෙන දිනය දක්වා උපවාසයේ යෙදීමටත්, ඒ සඳහා එක් අයකුට රුපියල් 10,000 ක මුදලක් ලබාදීමටත් මෙය සංවිධානය කරන පිරිස් සැලසුම් කර ඇති බවයි ඔහු ප්‍රකාශ කර තිබෙන්නේ.
එසේම මෙම උපවාසය සඳහා මත්ලෝලී පුද්ගලයන් සොයාදෙන ලෙස අලූත්කඩේ ප‍්‍රධාන මහෙස්ත‍්‍රාත් අධිකරණයේ නීතිඥ මහත්මයකුට ඉල්ලීමක් කර තිබෙන බවත්, ඒ අනුව නීතිඥ මහතා මෙම පිරිස එකතු කරමින් සිටින බවත් මන්ත්‍රීවරයා වැඩිදුරටත් සඳහන් කර තිබෙනවා.
තවද ගෝඨාභය රාජපක්‍ෂ මහතා ජනාධිපතිවරණයෙන් පැහැදිලි ජයක් ලබන බවට පෙනීයන නිසා එය වැළැක්වීමට දරන මෙවැනි කටයුතු නිසා ඇත්ත ශ‍්‍රී ලංකා නිදහස් පාක්‍ෂිකයන්ගේ ඡන්දය ගෝඨාභය රාජපක්‍ෂ මහතාට ලබාදීම ස්ථිර බවත් මන්ත්‍රීවරයා එම පුවත්පතට ප්‍රකාශ කර තිබුණා.