මේෂ
ලග්නාධිපති කුජ ලග්නයේ ද රවි එකොළහේ ද සඳු සිකුරු කේතු දහයේ ද ගුරු අටේ ද ගමන් කරමින් උදාවන මේ සතිය මිශ‍්‍රඵලදායකයි. බිරිඳ හෝ සැමියාගේ රැුකියා ප‍්‍රශ්නයකට විසඳුම් ලැබෙන බව පේනවා. නැත්නම් විශේෂ දියුණුවක් ගැන අහන්න ලැබේවි. ඔබේත් රැුකියා හෝ ව්‍යාපාර අංශවල සතුටුදායක තත්ත්වයක් පේනවා. උසස් අයගේ ආධාර උපකාර ලැබේවි. නීතිමය අංශවලිනුත් උදව් ගන්න පුළුවනි. අධ්‍යාපන කටයුතු සතුටුදායකයි. විභාගවලින් සමත් වේවි. ගුරු දශා ගතකරන අයට අවිවේකී කාලයකි. දිනපතා මෛත‍්‍රී භාවනාව කරන්න.
සුබ පාට - රෝස - සුබ අංකය - 03
වෘෂභ
වෘෂභ ලග්නයට අධිපති සිකුරු සඳු සමඟ නමවැන්නේත් රවි දහයේත්, ශනි අටේත්, ගුරු හතේත් ගමන් කරමින් උදාවන මේ සතිය
රැුකියා තනතුරුවල සාර්ථක බවක් පෙනේ. ගෙදර දියුණුවට කරන කටයුතු වෙනුවෙන් නිතර ගමන් බිමන් යෙදෙන අතර අන් අය අතරේ කැපී පෙනෙන බවක් ඇතිවෙයි. සමාජ සේවාවකට නැත්නම් පිංකමකට සහභාගි වෙන්න ලැබෙයි. බිරිඳට හෝ සැමියාට සුබයි. උසස් අධ්‍යාපනය ලබන ශිෂ්‍යයන්ට තිබූ බාධා ඉවත් වේ. දරුවන්ගේ දියුණුවට කරන දේවල් සාර්ථක කරගන්නත් පුළුවන්. ශනි දශා ගත කරන අයට ටිකක් අපලයි. කරණීය මෙත්ත සූත‍්‍රය භාවිත කරන්න.
සුබ පාට - මිශ‍්‍රලා - සුබ අංකය 6
මිථුන
රවි නවයේත් බුද දහයේත් සඳු සිකුරු අටේත් ශනි හතේත් කුජ එකොළහේ හා ගුරු හයේ ගමන් කරද්දී මේ සතිය උදාවෙනවා. පවුලේ වියදම නම් ඉහළ යන බව පේනවා. තැන්පත් මුදලක් පවා වැයවෙන්න පුළුවන්. ශිෂ්‍ය ශිෂ්‍යාවන්ගේ අධ්‍යාපනයට බාධා වන අන්දමට විනෝදයට යොමුවන්න ඉඩ තියෙනවා. විනෝදාංශ පාලනය කරගන්න. පෙම් සබඳතා, මංගල යෝජනා වගේ දේවල් වලටත් තරමක බාධා තිබෙනවා. උත්සාහ ධෛර්යය තියෙන නිසා මේ බාධා ජයගන්න පුළුවන් වේවි. සතිය මුලදී සෙම් රෝග වලින් ප‍්‍රවේශම් වෙන්න. බුද්ධ වන්දනාව කරල චන්ද්‍ර පිරිත භාවිත කරන්න.
සුබ පාට - ලා කොළ - සුබ අංකය - 4
කටක
රවි අටේත්, සඳු සිකුරු හතේත්, බුධ නවයේත්, කුජ දහයේත්, රාහු ලග්නයේත් ගමන් කරමින් උදාවන මෙම සතිය මුලදී බිරිඳ හෝ සැමියා සමඟ තිබූ අමනාපකම් දුරුවේ. අඹු - සැමි සමගිය ඇතිවෙයි. ශිෂ්‍ය ශිෂ්‍යාවන්ගේ අධ්‍යාපන කටයුතු සාර්ථක වෙයි. ගෘහ ජීවිතය සතුටින් ගත කරන්න ලැබෙන බවත් පේනවා. ඔබ හවුල් ව්‍යාපාරයක යෙදෙනවා නම් හවුල්කරුවන්ගේ සහයෝගය ලැබෙයි. මේ අතරෙ ඌෂ්ණාධික රෝග, රුධිර පීඩනය වගේ අසනිප තියෙනව නම් ප‍්‍රවේශම් වෙන්න. පවුලේ වියදම් ඉහළ යන නිසා වියදම් පාලනය කරගන්න. රවි දශා විශේෂයි. සූර්ය පිරිත කියන්න.
සුබ පාට - කහ, තැඹිලි - සුබ අංකය - 5
සිංහ
රවි හතේත් සඳු සමඟ සිකුරු හයේත්, ගුරු හතරේත්, ශනි පහේත්, බුධ අටේත්, කුජ නවයේත් ගමන් කරමින් උදාවන මේ සතිය ගෘහ ජීවිතය පිළිබඳව සුබදායක බවක් පෙන්නනවා. දරුවන්ගේ දියුණුවට කරන කටයුතු සාර්ථක වෙයි. ඒ වුණත් දරුවකු වෙනුවෙන් අමතර වෙහෙසක් දරන්න සිදුවෙයි. ආගමික කටයුත්තකට සහභාගි වෙන්න ලැබෙයි. විදේශ ගමනක් ගැන තිබුණු බලාපොරොත්තුවක් සාර්ථක කර ගන්නත් ලැබෙන බව පේනවා. ණය මුදලක් ගන්න පහසුකම් සැලසෙයි. සේවක සේවිකාවන්ගේ සහයෝගය නිසා ව්‍යාපාර සාර්ථක වෙයි. චන්ද්‍ර පිරිත භාවිත කරන්න.
සුබ පාට - රෝස - සුබ අංකය - 3
කන්‍යා
බුධ හතේත්, රවි හයේත්, සඳු සිකුරු පහේත් ගමන් කරමින් උදාවන මෙම සතිය බොහෝ දුරට සුබපලදායක බව පේනෙවා. දරුවකුගේ ජයග‍්‍රහණයක් ගැන අහන්න ලැබෙයි. අධ්‍යාපන කටයුතුත් සතුටින් කරන්න පුළුවන් වෙයි. කලා අංශවල ඉගෙනීම ලබන අයට විශේෂයෙන් සුබපල ඇතිකරනවා. ව්‍යාපාරවලට මුදල් යෙදවීමෙන් ලාභ ලබන්නත් පුළුවන් බව පේනවා. අවිවාහක අයට මංගල යෝග යෙදෙනවා. ගෘහ ජීවිතය මිශ‍්‍රඵලදායකයි. උසස් අයගේ උදව් උපකාර ලැබෙයි. කුජ දශා ගත කරන අය අනතුරුවලින් ප‍්‍රවේශම් වෙන්න. මෝර පිරිත භාවිත කරන්න.
සුබ පාට - මිශ‍්‍රලා - සුබ අංකය - 6
තුලා
ලග්නාධිපති සිකුරු සමඟ සඳු හතරේ දිග් බලවත් රවි පහේත් ගුරු දෙවැන්නේ හා කුජ හතේත් ගමන් කරමින් මේ සතිය උදාවෙනවා. ගෘහ ජීවිතය සුබයි. මව, පියා හෝ ¥ දරුවන් සමඟ සතුටින් කාලය ගතකරන්න ලැබේවි.
ගෙදර දියුණුවට කරන කටයුතු සාර්ථක වේවි. බිරිඳ නැත්නම් සැමියාටත් සුබපල දායකයි. පෙම් සබඳතා ස්ථිර කරගන්නන් මංගල යෝජනා පිළිබඳව කරන කටයුතුවලටත් සුබයි. අඹු - සැමි සබඳතාවලදී ඉක්මන් කෝපය පාලනය කරගන්න. ආදායම් සතුටුදායකයි. මංගල සූත‍්‍රය භාවිත කරන්න.
සුබ පාට - මිශ‍්‍ර ලා - සුබ අංකය - 6
වෘශ්චික
ඔබේ ලග්නාධිපති කුජ හයේත්, ගුරු ලග්නයේත්, ශනි දෙකේත්, සඳු සමඟ සිකුරු තුනේත් ගමන් කරමින් උදාවන මෙම සතිය බොහෝ දුරට සුබපලදායකයි. බාල සහෝදරයෙක් ගැන සතුටුදායක ආරංචියක් ලැබෙයි. අසල්වාසීන් එක්ක තිබුණු අමනාපකම් දුරුවෙයි. හිතේ සතුට ඇතිවෙයි. ඉගෙනීමේ කටයුතු සාර්ථ කරගන්න පුළුවන් වේවි. අනාගතය ගැන වැඩියෙන් හිත යොමුවන බව පෙනේ. ලිපි ලේඛන පිළිබඳ කටයුතුවලට විශේෂයෙන් සුබයි. කුජ දශා ගතකරන අය රහස් සතුරන්ගෙන් හා අනතුරුවලින් ප‍්‍රවේශම් වෙන්න.
සුබ පාට - සුදු - සුබ අංකය - 2
ධනු
ලග්නාධිපති ගුරු දොළහේත්, ශනි ලග්නයේත් රවි තුනේත් බුධ හතරේ හා සඳු සමඟ ගුරු දෙවැන්නේ ගමන් කරමින් උදාවන මෙම සතිය මිශ‍්‍රපලදායකයි. ඉඩකඩම් හෝ පදිංචිය පිළිබඳව ලියකියැවිලිවලට අත්සන් කරනව නම් දුරදිග බලා කටයුතු කරන්න උත්සාහය උනන්දුව ධෛර්යය නොඅඩුව පවතින බව පේනවා. රාජ්‍ය අංශයේ උදව් ලබන්නත්, උසස් අයගේ උපකාර ලබන්නත් පුළුවනි. නිතර නිවසින් බැහැරව ගත කරන්න සිදුවන බවත් පේනවා. ශනි, ගුරු දශා අපලයි. අනිත් අයට මිශ‍්‍රපලදායකයි. කරණීය මෙත්ත සූත‍්‍රය භාවිත කරන්න.
සුබ පාට - දිළෙන සුදු - සුබ අංකය - 1
මකර
රවි දෙකේත්, ශනි දොළහේත්, සඳු සමඟ සිකුරු ලග්නයේත් ගමන් කරමින් උදාවන මෙම සතිය බොහෝ දුරට සුබපලදායකයි. විවාහ සහකරුගේ අගය වෙනදාට වඩා දැනෙන්න පුළුවනි. අවිවාහක අයට මංගල යෝග යෙදෙන බවත් පේනවා. යහපත් මිතුරු මිතුරියන්ගේ ඇසුර ලැබේවි. ආදායම් සතුටුදායකයි. ඉක්මන් කෝපය නිසා පවුලේ අය අතර අමනාපකම් ඇතිවෙන්න ඉඩ තියෙනවා. ඉවසීම වැදගත් වෙනවා. ආයෝජනවලින් ලාභ ලබන්න පුළුවන් වේවි. කරණීය මෙත්ත සූත‍්‍රය භාවිත කරන්න.
සුබ පාට - ලා කොළ - සුබ අංකය - 4
කුම්භ
රවි ලග්නයේත්, ලග්නාධිපති ශනි එකොළහේත්, ශුක‍්‍ර සමඟ සඳු දොළහේත් ගමන් කරමින් මේ සතිය උදාවෙනවා. විදේශ ගමනක් යෑමට තිබූ බලාපොරොත්තුවක් සාර්ථක කරගන්න ලැබේවි. නැත්නම් දුර ගමනක් යෙදෙන බව පේනවා. යහපත් මිතුරු මිතුරියන්ගේ ඇසුර ලැබෙයි.
රැුකියා ව්‍යාපාර සාර්ථක කරගන්න පුළුවන්. වියදම් ඉහළ යන බව පේනවා. දරුවකු වෙනුවෙන් අමතර වියදමින් දරන්න සිදුවෙයි. උත්සාහය, ධෛර්යය නිසා බාධා ජයගත හැකියි. සහෝදරයකුට සුබපලදායකයි. දිනපතා මෙත් වඩන්න.
සුබ පාට - නිල් - සුබ අංකය - 7
මීන
ලග්නාධිපති ගුරු නවයේත්, රවි දොළහේත් සඳු සමඟ සිකුරු එකොළහේත් බුධ ලග්නයේත් ගමන් කරමින් උදාවන මෙම සතිය ආදායම් සතුටුදායකයි. යහපත් අයගේ ඇසුර ලැබෙයි. මිතුරු මිතුරියන් හඳුනාගන්නත් අවස්ථා උදාවෙයි. ආගම දහමට වැඩියෙන් හිත යොමුවන බව පේනවා. උසස් අධ්‍යාපනය කරන ශිෂ්‍යයන්ට සුබදායකයි. ගෘහ ජීවිතය පිළිබඳව සිත්තැවුලක් ඇතිවෙන්න ඉඩ තියෙනවා. නීතිමය ලියැවිලිවලට අත්සන් කරනවා නම් දුරදිග බලා කටයුතු කරන්න. මෝර පිරිත භාවිත කරන්න.
සුබ පාට - කහ - සුබ අංකය - 5
කෑගල්ලේ සුනිල් කුමාර ගම්ලත්