මේෂ - රවි, බුධ එකොළහේත්, කුජ ලග්නයේත්, සඳු හතේ හා ගුරු අටේත් ගමන් කරන අතර සිකුරු නමවැන්නට මාරු වෙන මේ සතිය මිශ‍්‍රපලදායකයි. දරුවන්ගේ දියුණුවට කරන කටයුතු සාර්ථක වෙයි. රැුකියා ව්‍යාපාර අංශවල ප‍්‍රධානීන්ගේ උදව් උපකාර ලැබෙයි. උත්සාහය උනන්දුව වැඩි වෙයි. අධ්‍යාපන කටයුතු සාර්ථක වෙයි. විවාහ මංගල යෝජනාවලටත් සුබයි. සතිය මැදදී සෙම් රෝග වගේ සෞඛ්‍ය ගැටලූ ඇති වෙන්න ඉඩ තියනවා. තරමක අවිවේකී බවක් දැනෙන්න පුළුවනි. දිනපතා මෙත්වැඞීම සහනයට හේතු වෙයි.
සුබ පාට - රෝස, සුබ අංකය - 3
වෘෂභ -
ඔබේ ලග්නාධිපති සිකුරු ග‍්‍රහයා නමවැන්නට මාරු වීමත් රවි බුධ දහයේ ගමන් කිරීමත්, රැුකියා ව්‍යාපාර අංශවල සතුටුදායක බවක්් පෙන්වනවා. සමාජයේ පිළිගැනීම ඉහළ යයි. විවාහ සහකරුගේ විදේශ ගමන් සාර්ථක වෙයි. නිතර නිතර නිවසින් බැහැරව කාලය ගත කරන්නත් සිදුඅ වේවි. ආගමික උත්සවයකට සහභාගි වෙන්න ලැබෙයි. ගෙදර දියුණුවට කරන කටයුතු සාර්ථක වෙයි. සේවක සහයෝගය ලැබෙන නිසා රැුකියා ව්‍යාපාර සාර්ථක කර ගන්න අමාරු නැති බව පේනවා. ශනි දශා ගත කරන අයට තරමක් අපලයි. කරණීයමෙත්ත සූත‍්‍රය භාවිතා කරන්න.
සුබ පාට - මිශ‍්‍ර ලා, සුබ අංකය - 6
මිථුන -
මිථුන ලග්න හිමියන්ගේ සිකුරු අටවැන්නට මාරු වීමත් මේ සතිය තුළ සිදු වෙනවා. ශිෂ්‍ය ශිෂ්‍යාවන්ගේ අධ්‍යාපන කටයුතු සාර්ථක කර ගන්න පහසුකම් ලැබෙයි. උත්සාහය, උනන්දුව නොඅඩුව පවතින නිසා රැුකියා, ව්‍යාපාර සාර්ථක කර ගන්නත් ලැබේවි. සහෝදරයකු ගැන සුබදායක ආරංචියක් ලැබේවි. යහපත් මිතුරු මිතුරියන්ගේ ඇසුර ලැබෙයි. ඒ වුණත් සිකුරු මාරුව නිසා ඔබේ පෙම් සබඳතා, විවාහ යෝජනාවලට තරමක බාධා ඇති වෙන්න ඉඩ තියනවා. එවැනි කටයුතු කල්දැමීමත් හොඳයි. මෝර පිරිත භාවිත කරන්න.
සුබ පාට - ලා කොළ, සුබ අංකය - 4
කටක -
රවි බුධ අටවැන්නේත් සඳු හතරේත් ගුරු පහේත් ගමන් කරන අතරේ සිකුරු හත්වැන්නට මාරු වීම මේ සතියේ මුලදීම සිදු වෙනවා. අඹු - සැමි සමගිය ඇති වෙයි. හවුල් ව්‍යාපාර කරන අයට හවුල්කරුවන්ගේ සහයෝගය ලැබෙන අතරේ බලාපොරොත්තු වන ලාබ ලබා ගන්නත් හැකි වෙයි. රැුකියා ව්‍යාපාරවලට තියන උනන්දුව ඉහළ යන බවක් පේනවා. ඒ වුණත් රවි බුධ අටවැන්නේ ගමන් කරන නිසා ඌෂ්ණාධික රෝග අධික වියදම් වගේ දේවල්වලට ඉඩ තියනවා. වියදම් පාලනය කර ගැනීමට සැලකිලිමත් වෙන්න. සූරිය පිරිත කියන්න.
සුබ පාට - කහ, සුබ අංකය - 5
සිංහ -
රවි, බුධ හතේත් සඳු තුනේත් ගුරු හතරේ සහ ශනි පහේත් ගමන් කරන අතර සිකුරු හයවැන්නට මාරු වීම සිදු වනවා. ගෘහ ජීවිතය සාමකාමීව ගත කරන්න පුළුවන් වෙයි. දරුවන් වෙනුවෙන් අමතර වෙහෙසක් දරන්න සිදු වෙන්න ඉඩ තියනවා. අලස නොවී උනන්දුවෙන් වැඩ කළොත් අධ්‍යාපන කටයුතු සාර්ථක කර ගන්න අපහසු වෙන්නෙ නෑ. විදේශ ගමන් යෑමට තියන බලාපොරොත්තුවත් සාර්ථක කර ගන්න කරුණු යෙදෙයි. විනෝදයට බර වීම නිසා අනවශ්‍ය වියදම් යෙදෙන්න ඉඩ තියනවා. විනෝදය පාලනය කර ගන්න. මෙත් වඩන්න.
සුබ පාට - රෝස, සුබ අංකය - 3
කන්‍යා -
බුධ සමඟ රවි හයේත් සඳු දෙකේත් ගුරු තුනේත් ශනි හතරේත් කුජ අටේත් ගමන් කරන අතර සිකුරු පස්වැන්නට මාරු වෙනවා. පෙම්වතුන්ට සුබයි. අවිවාහක අයට මංගල යෝග යෙදෙයි. ව්‍යාපාරවලට ආයෝජනවලින් ලාභ ලබා ගන්නත් අපහසු වෙන එකක් නෑ. දරුවෝ ගැන හිතලා සතුටු වෙන්න පුළුවන් වෙයි. උසස් අයගේ උදව් උපකාර ලැබෙයි. චිත්ත ධෛර්ය ඉහළ යයි. කුජ අටේ ගමන් කරන නිසා අනතුරුවලින් ප‍්‍රවේශම් වෙන්න. ගෘහ ජීවිතය මිශ‍්‍රපලදායකයි. මංගල සූත‍්‍රය භාවිතා කරන්න.
සුබ පාට - මිශ‍්‍ර ලා, සුබ අංකය - 6
තුලා -
රවි, බුධ පහේත් සඳු ලග්නයේත් ගුරු දෙකේත් ශනි සමග සිකුරු තුනේත් ගමන් කරන අතරේ සිකුරු මාරුවක් මේ ඉරිදාට යෙදෙනවා. අධ්‍යාපන කටයුතු සාර්ථක කර ගන්න පහසුකම් සැලසෙයි. හිතේ සතුට ඇති වෙයි. රැුකියා ව්‍යාපාර ගැන දැඩි උනන්දුවකින් කටයුතු කරන බව පේනවා. විදේශ රැුකියා, බලාපොරොත්තු සාර්ථක කර ගන්නත් අවශ්‍ය අංශවලින් සහයෝගය ලැබෙයි. විවාහ සහකරුට සුබදායකයි. දියුණුවට කරන වැඩවලට අනිත් අයගේ උදව් ලැබෙයි. රාහු දශා ගත කරන අය චන්ද පිරිත භාවිතා කරන්න.
සුබ පාට - මිශ‍්‍ර ලා, සුබ අංකය - 6
වෘශ්චික -
රවි, බුධ හතරේ ද සඳු දොළහේ සහ කුජ හයේත් රාහු නමයේත් ගමන් කරමින් උදාවන සතියේ සිකුරු මාරුවක් ඉරිදාම සිදු වෙනවා. සතිය මුලදීම සෙම් රෝග වගේ සෞඛ්‍ය ගැටලූවක් ඇති වෙන්න පුළුවන් වුණත් සතිය මැද වෙනකොට තත්ත්වය සුබ අතට හැරෙයි. අවිවාහක තරුණ තරුණියන්ගේ මංගල යෝජනාවලට අදාළ කටයුතුවලට සුබයි. අධ්‍යාපන කටයුතු සාර්ථක කර ගන්නත් පුළුවනි. විභාගවලින් සමත් වෙයි. අසල්වාසීන් එක්ක තිබුණු අමනාපකම් දුරු වෙයි. සහෝදරයකු ගැන සුබ ආරංචියක් ලැබෙයි.
සුබ පාට - සුදු, සුබ අංකය - 2
ධනු -
රවි බුධ තුනේත්, සඳු එකොළහේත් ගුරු දොළහේත්, කුජ පහේත් ගමන් කරන අතර සතිය මුලදීම සිකුරු දෙවැන්නට මාරු වෙනවා. ලිපි ලේඛන ශාස්තී‍්‍රය කටයුතුවලට සුබයි. නීති අංශවල ද උදව් ලැබෙයි. උත්සාහය, ධෛර්ය වැඩි වෙයි. ප‍්‍රයෝජනවත් ගමන් බිමන් කිහිපයක්ම යන්නත් ලැබෙයි. දරුවෝ වෙනුවෙන් අමතර වෙහෙසක් දරන්න සිදු වන බව පේනවා. විදේශ ගමන් පිළිබඳව තිබූ බලාපොරොත්තු සාර්ථක වෙයි. අවිවේකී කාලයක් ගත වන බව පේනවා. රාහු දශා ගත කරන අයට තරමක් අපලයි. චන්ද පිරිත භාවිතා කරන්න.
සුබ පාට - දිලෙන සුදු, සුබ අංකය - 1
මකර -
රවි බුධ දෙකේත්, කුජ හතරේත්, සඳු දහයේත් ගුරු එකොළහේත් ගමන් කරන අතර සිකුරු ලග්නයට මාරු වෙනවා. සතිය මුලදී බිරිඳ නැත්නම් සැමියාගේ රැුකියා ප‍්‍රශ්නයකට විසඳුමක් ලැබෙයි. ව්‍යාපාරිකයන්ට සුබපල දායකයි. දරුවන්ගේ දියුණුවට තිබුණ බාධාවන් ඉවත් වෙයි. ඉගෙනීමේ කටයුතු කරන මකර හිමි ශිෂ්‍ය ශිෂ්‍යාවන්ට සුබයි. කලා අංශ විශේෂයි. ඉක්මන් කෝපය නිසා අමනාපකම් ඇති වෙන්න ඉඩ තියනවා. ඉවසීමෙන් කටයුතු කරන්න. දිනපතා කරණීය මෙත්ත සූත‍්‍රය භාවිතා කර මෙත් වඩන්න.
සුබ පාට - සුදු, සුබ අංකය - 2
කුම්භ -
රවි බුධ ලග්නයේත් සඳු නමයේත් ශනි එකොළහේත් කුජ තුනේත් ගමන් කරමින් උදාවන සතිය මුලදීම සිකුරු දොළහට මාරු වෙනවා. සහෝදරයෙක් ගැන සුබ ආරංචියක් ලැබෙයි. උනන්දුව නො අඩුව තියන නිසා බාධා ජය ගන්න පුළුවන්. යහළු යෙහෙළියන් එක්ක සතුටින් කාලය ගත වෙයි. සේවක සහයෝගය ලැබෙන නිසා
රැුකියා ව්‍යාපාර සාර්ථක කර ගන්න හැකි වෙයි. අඹු - සැමි අමනාපකම් දුරු වෙලා යයි. විදේශ ගමනක් ගැන තිබුණු බලාපොරොත්තුවක් සාර්ථක කර ගන්න හැකි වේවි. රාහු දශා තරමක් අපලයි. චන්ද පිරිත කියන්න.
සුබ පාට - නිල්, සුබ අංකය - 7
මීන -
රවි, බුධ දොළහේත් කුජ දෙකේත් සඳු අටේත් ගුරු නමයේත් ගමන් කරන අතර සතිය මුලදීම සිකුරු එකොළහට මාරු වෙනවා. සතිය මුලදී දරවෙකුට අපලයක් පේනවා. පෙම් සබඳතාවලටත් බාධා පේනවා. මංගල යෝජනා ටිකක් කල්දැමීම යහපත් වෙනවා. ආගමික උත්සවයකට සහභාගි වෙන්න ලැබෙයි. උසස් අධ්‍යාපන කටයුතු සාර්ථක කර ගන්න හැකි වේවි. විවාහ සහකරුගේ විදේශ ගමනක් සාර්ථක කර ගන්න අවශ්‍ය අංශවලින් උදව් ලැබේවි. ආදායම් සතුටුදායකයි. ඒ වුණත් වියදම් ඉහළයි. වියදම් පාලනය කර ගන්න. චන්ද පිරිත භාවිතා කරන්න.
සුබ පාට - කහ, සුබ අංකය - 5
කෑගල්ලේ සුනිල් කුමාර ගම්ලත්